Os servizos da Escola Infantil Paparolo en Santiago

981 566 305

Actividades

Diferentes actividades

Temos como actividade complementaria un cursiño de natación que desenvolvemos co Centro Acuático Awasan durante varios meses do curso. Ademais, cada ano realizamos unha exposición dos traballos plásticos do alumnado, con fins benéficos.

Entendemos que os centros de Educación Infantil eben de compartir coas familias o papel de proporcionar aos/ás nenos/as experiencias básicas que contribúan ao seu desenvolvemento e primeiras aprendizaxes; así, a nosa tarefa será completar e ampliar ditas experiencias. Por outra banda, fomentamos a participación das familias no centro a través de xuntanzas, encontros, celebracións...

Ofertamos servizo de cociña: as familias traen a comida dos seus/súas fillos/as e nos dámosllela na escola.

Realizamos moitas actividades fóra da escola: como rutas e paseos pola contorna próxima e visitas aos establecementos do barrio. Participamos nas actividades que organiza o Concello: visitas guiadas, que organizan para a escola dende o Departamento de Parques e Xardíns, e Campaña de Animación á Lectura. E, no patio exterior da escola, cultivamos algúns froitos e verduras de temporada, sendo as/os nenas/os quen se encargan do coidado. Tamén desfrutamos xogando coa area, nos bambáns...

A través do centro de interese denominado Recunchos de Compostela: visitamos as prazas e rúas da zona vella, salas de exposicións e teatros.

Proposta

A nosa proposta

O que procuramos é desenvolver unha proposta de traballo única e diferenciada, baseada na formación e nas ganas de ofrecer o mellor ao noso alumnado.

É unha proposta que se basea na constante interacción familia-escola e no contacto directo co contorno exterior, como escenario continuo para a formación integral das nenas e dos nenos.

Neste momento, a nosa actividade educativa desenvólvese por proxectos, tendo en conta a metodoloxía agazziana. Tamén desenvolvemos actividades a través de secuencias didácticas puntuais e centros de interese.

Escola Infantil Paparolo Mais preto das familias, mais preto de ti.

Globo Globo
Horario

Horario

O horario de funcionamento é de 07:45 a 20:00 horas, todo o ano excepto festivos, os días marcados polo centro e o mes de agosto. Ademais, a escola dispoñerá dalgún día de horario especial, de 07:45 a 14:30 horas, que se comunicará ás familias antes do inicio de curso.

Comedor

Servizo de comedor

A escola conta con servizo de cociña. As familias que desexen facer uso deste servizo deberán traer a comida preparada da casa e esta será quentada no centro e administrada aos nenos e ás nenas polo persoal do centro. As prazas para este servizo son limitadas, polo que as familias que fagan uso del deberán solicitalo canto antes e seguir as recomendacións do Servizo de Inspección da Consellería de Sanidade, que serán explicadas polo persoal da escola. Contacte coa nosa escola para pedir este servizo.

Actividades

Actividades complementarias

Ademais das actividades pedagóxicas levadas a cabo na escola, participamos en todas aquelas organizadas polo Concello de Santiago de Compostela e dirixidas aos máis pequenos/as: audicións, contacontos, visitas guiadas aos parques e xardíns da cidade, percorridos pola Alameda e casco histórico... Tamén organizamos actividades musicais guiadas por especialistas e exposicións de pintura e artes plásticas.

Informes

Informes pedagóxicos

Como mínimo dúas veces ao longo do curso, o centro convoca a todas as familias que así o desexen para comentar o informe pedagóxico dos/as nenos/as. Nestas reunións trátanse todos os aspectos relacionados co seu desenvolvemento, adaptación, relación cos demais nenos/as e cos/as mestres/as, dinámica nos talleres e cursos, consecución dos obxectivos pedagóxicos... Asemade trátanse todas as cuestións que poidan ser de interese para as familias. Ademais destas reunións, pódese concertar unha titoría cando así o desexen.

Cursos

Cursos (Outros obradoiros)

Unha vez superado completamente o período de adaptación, o centro adoita desenvolver un obradoiro de achegamento a linguas estranxeiras. No último trimestre do curso académico lévase a cabo, como vén sendo habitual, o curso de natación nas instalacións do centro Awasan, na Silvouta (Santiago). Para iso, contamos cunha empresa de autocares para o servizo de transporte.

Contacta connosco

Non dudes en contactar connosco se queres saber máis sobre a nosa escola infantil en Santiago de Compostela ou sobre algún dos nosos servizos.